Policia italiane ka vënë në pranga një shqiptar të cilit i janë gjetur mbi 17 kg drogë, kokainë dhe heroinë dhe një arsenal armësh në banesën e tij.
20-vjeçari jetonte në komunën Barlassina në provincën e Milanos dhe punonte si barist në një nga lokalet e Milanos/ Brianza.
Por njëkohësisht me punën si barist, ai shiste edhe drogë e armë.
Përveç kokainës dhe heroinës, policia gjeti dy mitraloza, një pistoletë gjysmë automatike, një revolver dhe municion për të gjitha armët.
20-vjeçari, emri i te cilit nuk dihet, u arrestua edhe me dy bashkëpunëtorë të tij po shqiptarë me akuzën e trafikut të drogës dhe armëve.
