Gjendet edhe një gomone e zhytur në det në Vlorë, 1 km larg një makine Jeep me targa italiane që ishte gjetur më herët. Gomonia 5 m e gjatë, rezultoi e mbushur me kanabis. Nuk dihet sasia e drogës që ka brenda saj.
Dyshohet se fuoristrada me targa italiane BG 643 GX, gjetur në zonën e plazhit të vjetër ka tentuar të tërheqë gomonen. Automjeti është nxjerrë nga deti pasi kalimtarët njoftuan policinë. Mendohet se fuoristrada është përdorur për të tërhequr një gomone dhe më pas ka mbetur e bllokuar në det. Sipas hetimeve paraprake, ekzistojnë dyshimet se bëhet fjalë për një rast trafiku të drogës.
Nga kontrolli paraprak në mjet, nuk u gjet asnjë objekt i jashtëligjshëm. Policia dhe forcat speciale kanë zbarkuar në bregdet dhe kanë nisur hetimet. Uniformat blu kanë nisur hetimet për të mësuar se kujt i përket fuoristrada dhe për të zbardhur rrethanat e ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
