Një makinë Benz ML u dogj gjatë natës në qytetin e Vlorës në vendin e njohur si xhamia. Policia tha se mjeti është në pronësi të biznesmenit Edi Alikaj. Ky person para një viti u përfshi në konflikt për parkingun dhe u shfaq në media me hundët e gjakosura.
Dyshimet e para janë për zjarrvënie të qëllimshme, pasi pronari i automjetit, biznesmen i njohur në Vlorë ka qenë i përfshirë në një konflikt në dhjetor të vitit 2016 për parkingun e makinës.
Informacion paraprak i policisë
Më datë 12.02.2018, rreth ora 01:00, në lagjen ”Hajro Çakërri”, në vendin e quajtur Xhamia, është djegur pjesërisht, automjeti tip ”Benz” , në pronësi të shtetasit E.A. Mjeti ka qënë i parkuar. Grupi hetimor po punon për përcaktimin e plotë të shkaqeve të djegies së mjetit.
Çfare ndodhi ne parking dhe arrestimi i Alikajt në dhjetor 2016
Më datë 15.12.2016, në lagjen “29 Nëntori” pas një konflikti midis palëve për shkak të parkimit të automjetit, situata është agravuar deri në përdorimin e mjetit prerës “thikë”, ku kanë mbetur të plagosur tre shtetasit F.V, Ç.V dhe F.V, jashtë rrezikut për jetën.
Gjithashtu, nga ky konflikt ka mbetur i dëmtuar fizikisht edhe një nga personat e arrestuar, shtetasi Eduard Alikaj, i cili u shrua ne spital.
Burimet thane se shkak i sherrit dhe konfliktit fizik eshte bere bllokimi i makinës së Alikajt në parkingun me pagesë në qytetin e Vlorës. Ndaj mes 44 vjeçarit Alikaj dhe mikut të tij Hënes Dalipaj nisi sherri me punonjësit e kompanisë “TIS Park shpk”.
Alikaj kishte parkuar mjetin e tip ML me targa AA 777 KP dhe kishte refuzuar të bënte pagesën prej 50 lekësh në orë.
*Pamje nga vendi i ngjarjes, ku u dogj makina e biznesmenit Alikaj
