Këngëtari shqiptar Ermal Meta në bashkëpunim me Fabrizio Moro mbërthyen pas vetes publikun me këngën “Non mi avete fatto niente” (Nuk më keni bërë asgjë). Ai është këngëtari i dytë shqiptar pas Anna Oxa që fiton Sanremon.
Kënga është një himn kundër terrorizmit dhe në tekstin e saj përfshihen shumë raste të ndodhura në të shkuarën, por që lajtmotiv mbetet vargu “nuk më keni bërë asgjë”, që përbën edhe titullin e saj.
Pas fitores së çmimit është publikuar edhe videoklipi i këngës, që ilustron në imazhe qytetet e rrënuara nga bombardimet, homazhet e njerëzve në vendngjarje dhe fëmijët e vegjël, si simbol i mosmposhtjes.
Mes gjuhëve nga e gjithë bota, në videoklip shfaqet edhe gjuha shqipe, (në minutën e 2:42-2:49).
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
