Banorët e pallatit të mbuluar me dhe nga shembjet në Gjirokastër do të kthehen edhe zyrtarisht në banesa. Pas një raporti të ri inxhinierik ata konsiderohen se janë të sigurtë pasi pallati nuk do të shembet edhe nëse kodra ku është vendosur pallati do te shembet!
Kjo është hera e tretë që në pak ditë banorët e kodrës së Shtufit dalin dhe hyjnë në shtëpitë e tyre pas raporteve të ndryshme inxhinierike që kundërshtojnë njëri tjetrin.
Lajmi për një raport të ri është dhënë nga deputeti i Gjirokastrës, Bledi Cuci. “Sot me banorët e pallatit në “Kodrën e Shtufit” me lajmin e mirë që raporti inxhinierik rekomandon të rihynë në shtëpi. Biseduam për zgjidhjen dhe përballimin e dëmeve qe shkaktoi shkarja e dherave javën e shkuar. Jemi të vendosur t’i japim zgjidhje përfundimtare, pavarësisht katrahurës urbane qe ka ndodhur në 27 vitet e fundit. Brenda javës dëmet e shkaktuara nga përmbytjet do marrin rrugën e zgjidhjes dhe zona që ka rrëshkitur në “Kodrën e Shtufit” do të rehabilitohet plotësisht”, njofton Cuci.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
