Tre shqiptarë u arrestuan të mërkurën në një aksion të përbashkët nga policia e Milanos dhe ajo e Komos ndërsa u sekuestrua një sasi e konsiderueshme droge.
Në pranga ranë Agim Proshka, 37 vjeç, Edison Proshka 27 vjeç, Jurgen Verbofshi, 19 vjeç, ndërsa janë sekuestruar në total rreth 17 kg kokainë e heroinë.
Dy nga ata u arrestuan, pasi në dy makina, hynë në një ndërtesë në komunën Mariano Comense. Aty u gjetën 7 kg kokainë, 4.5 kg heroinë, tre armë zjarri, dhe municione.
Ndërkohë, në portobagazhin e Citroenit C3, me të cilën Verbofshi hyri në ndërtesë, u gjetën edhe 5 kg kokainë dhe 550 gr heroinë.
Në banesën e këtij të fundit u gjetën edhe 8.400 euro.
Sipas hetuesve, tre shqiptarët dyshohet se bashkëpunonin mes tyre në trafikun e drogës.
