Krimet e Rënda zgjasin edhe 3 muaj hetimet për grabitjen në Rinas. Gjykata pranoi kërkesën e Prokurorisë për zgjatjen e hetimeve, ndërsa avokatët janë shprehur kundër zgjatjes së hetimeve. Ata kanë kërkuar arsyen e zvarritjes së hetimeve.
“Pse i zvarrisni hetimet? Nuk ka më asnjë detaj për të hetuar, do apelojmë”, kanë kundërshtuar vendimin e Gjykatës së Krimeve të Rënda avokatët e të akuzuarve.
Rreth 9 muaj më parë blindi me paratë e një banke u grabit nga persona të armatosur shumë pranë Rinasit. Autorët morën rreth 2 milionë euro, një pjesë e të cilave u tha se u gjet nga policia.
