Shkelzen Berisha ndërhyn në emision, sqaron emailin që përmend emrin e tij

Shkelzen Berisha ka ndërhyrë sonte në një emison të transmetuar në top channel ku flitej për akuzat ndaj tij në lidhje me CEZ duke mohuar sërish se nuk ka pasur asnjë lidhje me privatizimin e OSSHE në vitin 2009.

Ai tha se nuk ka asnjë lidhje me këtë cështje dhe se akuzat ndaj tij janë ngritur nga një person i cili ka gënjyer edhe herë të tjera. Berisha këmbënguli se privatizimi ka ndodhur shumë kohë më parë se sa përmendet ai email ku vetëm përmendet emri im, tha ai.

Është spekulim ka thënë Shkelzen Berisha duke debatuar me gazetarin Andi Bushati në emisionin “ të paekspozuarit” të Ylli Rakipit.  Takimi nuk ka ndodhur përmes meje, tha Shkelzen Berisha ndërsa takimet që janë kryer nga stafi i drejtues i CEZ me drejtuesit e qeverisë shqiptare janë normale.

Bushati ka këmbëngulur se takimi nuk është bërë për privatizimin por për ta ndihmuar CEZ. Por Shkelzen Berisha i ka kërkuar Bushatit ti lexojë vetë emailin që të kuptojë më mirë cështjen duke theksuar se nga ana e tij nuk ka pasur ansjëherë ndërhyrje.

Vetëm pak ditë më parë ish-Kryeministri Berisha deklaroi se takimet e tij me CEZ nuk kanë pasur nevojë për ndërhyrje pasi ai i ka pritur ata sa herë që janë paraqitur.

Nje pjese e debatit:

Shkëlzen Berisha: Ekziston një email i siguaruar jo në rrugë ligjore. Kjo copë letër nuk është administruar në rrugë ligjore. Nuk kam lidhje me asnjë nga këta persona, as kam lidhje biznesi, as u kam shitur makinën, as më kanë paguar në forma të ndryshme. Në atë letër, flitet për një takim por nuk flitet se për cfarë. Ky takim nuk është kërkuar dhe nuk është zhvilluar kurrë.

Andi Bushati: Nga emaili, thuhet se ju keni ndërmjetsuar një takim, me babain tuaj që ishte kryeministër.

Shkëlzen Berisha: Nuk është e vërtetë. Lexo emailin.

Andi Bushati: Atëherë ma korigjoni ju

Andi Bushati: Tre javë pasi emaili është dërguar, babai juaj i ka pritur emisarët. Takimi vërteton emailin. Ky është absurdi për mua.

Shkëlzen Berisha: Ky takim nuk ka ndodhur. Nuk thuhet kërkund që unë kam premtuar të rregullojë një takim të tillë.

Andi Bushati: Në email thuhet se takimin do e realizoni ju. Takimi është bërë. Unë pot ë jem një prokuror, them a kam të drejtë të hetoj dhe të shoh sa i vërtet është ky email, kur kam dhe provën tjetër? Mua më duket normale deri këtu. Përse ju duket ju si spekulim nuk e kuptoj.

Shkëlzen Berisha: Është totalisht e pavërtetë ajo që thotë zoti Bushati, se në këtë email pretendohet se kam mundësuar një takim me babain tim. Lexoni emailin. Ky email është publik dhe është i pavërtetë. Ky takim as është kërkuar as nuk është zhvilluar. Unë nuk kam asnjë lidhje me këta persona. Unë mbaj përgjegjësi për atë që premtoj vetë.

Andi Bushati: Ju thatë se emaili dhe kjo histori nuk ka ndikuar te privatizimi, sepse privatizimi është bërë 10 muaj pas kësaj korespondenca. Por akuza nuk ka qenë për këtë. Takimi do behëj për të ndihmuar kompannë që kishte fituar.

Shkëlzen Berisha: Akuza ka qenë, se Shkëlzen Berisha ka përfituar nga privatizimi i OSSH-së. janë marrë transaksionet e mija bankare, janë shitur sikur kanë lidhje me privatizimin.

/DRONI.al/