Analisti Besnik Mustafaj, njëherësh ish-ministër i Jashtëm në kohën kur qeveriste Sali Berisha deklaroi se kryeministri Edi Rama ka 5 vite që mirëpret vlerësimet nga Brukseli. I ftuar në rubrikën ‘Opinion’ në “Neës24” Mustafaj tha se kryesisht vlerësimet që kanë ardhur nga Brukseli për Shqipërinë kanë qenë deri diku pozitive.
Po ashtu ai theksoi se Brukseli kërkon Ballkan me standarde. Ai tha se Shqipëria ka qenë gjithmonë faktor paqeje ndërsa Serbia nxitëse për luftëra, duke shtuar se këto dy vende do ecin në një rrugë drejt BE, shkruan balkanweb.
“Vlerësimet që vijnë nga Brukseli nuk kanë qenë negative. Makineria dhe një nga kritikat që vijnë nga Brukseli, pëlqen këtë gjuhë dhe kjo nuk thotë asgjë. Shqipëria ka probleme me Greqinë, por janë pa ngarkesa të mëdha, përjashtuar nga çështja e kufirit me detin. Të marrin parasysh problematikat që ka Greqia me Maqedoninë, apo Serbia me Kosovë, këtu ndërhyn emocioni publik. Është një rast fatlum që të sheshohen ato probleme. Deri tani nuk janë sheshuar dot këto probleme. Një pjesë e madhe e problematikave, janë në Greqi që është pjesë e BE. Përpjekjet dhe vullnetin duhet ta japë Greqia. Fjala ‘reformat’ është e konsumuar. Janë disa reforma që janë të rëndësishme për procesin e integrimit. reforma në drejtësi do të vlerësohet kur të japë rezultatet e para, që të bjerë ajo akuzë që bën opozita. Deri tani është një akuzë që nuk është hedhur poshtë nga praktika. Kemi dhe reformën elektorale, që është një kusht që nuk u zbatua. Duhet të zbatohet në zgjedhjet lokale. Ne kemi reforma të tilla që vënë në provë kapacitetet e klasës politike që të bashkëpunojnë. Unë mendoj se do ndikoj për hapjen e negociatave. Maxhoranca po përpiqet që ta përdor këtë si një arritje të vetën hapjen e negociatave. Ndërsa opozita këtë e kërkon për vendin. Nëse hapen negociatat, pasi hapja është hap formal deri ne BE, pasi ato janë të koklavitura. Unë besoj se është e mundshme që të merret vendimi, që të hiqet një argument tensioni. Organizatat ndërkombëtare me ne i ka gjetur belaja. BE është një organizatë ku ka një vetëdije se Ballkani jashtë është më shumë problematik sesa brenda. Ka një bazë realiste. Ballkani brenda është aq i vogël sa që s’mund t’i hapë rrugë konflikteve. Eksperienca e Bullgarisë dhe Rumanisë në BE ka krijuar ngurrimet e veta brenda këtij institucioni. Ka një Ballkan me dy shpejtësi. Unë besoj se Shqipëria dhe Serbia, përveç simbolikës së historisë, Shqipëria ka qenë faktor paqe, Serbia nismëtare për luftën, se besoj se vendi ynë do lihet një hap pas Serbisë”.
Mustafaj u ndal edhe tek çështja detare me Greqinë, ndërsa shtoi se caktimi i kufirit nuk është kusht i BE.
“Caktimi i vijës detare nuk është kusht i BE, për sa kohë nuk ka tension mes dy vendeve. Greqia se ka me fqinjët e saj. Është anëtare e BE dhe NATO-s. Besoj se po ndiqet rruga e gabuar në zgjidhjen e këtij problemi. Nuk do të mundet të gjendet paqja në opinionin publik nëse nuk gjendet zgjidhja. Kandarë farmacie në caktimin e këtyre marrëveshjeve nuk ka.’, theksoi ai.balkanëeb.com
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
