Apeli i Krimeve të Rënda, lë në fuqi sekuestrimin e pasurive të Klement Balilit

Gjykata e Apelit e Krimeve të Rënda ka lënë në fuqi sot, vendimin për sekuestrimin e pasurive të familjes Balili në Sarande.

Rreth tre muaj më parë, Gjykata e Shkallës së Parë e Krimeve të Rënda, pas kërkesës së Prokurorisë, vendosi nën sekuestro preventive pasuria e Klement Balilit, ose i njohur ndryshe si “Eskobari” i Ballkanit. Sipas vendimit të zbardhur të gjykatës, mësohet se nën sekuestro mësohet se janë vendosur troje, biznese dhe apartamente që rezultojnë në emër të familjes Balili në Sarandë.

Sekuestroja e pasurive u be falë bashkëpunimit me sektorin e hetimit të aseteve në Drejtorinë e Përgjithshme të Policisë. Veprimet e Policisë janë pjesë e një hetimi të nisur për pastrim parash për Klement Balilin, i cili rezulton i shpallur në kërkim për trafik ndërkombëtar droge. Dyshohet se kjo pasuri dhe të tjera, në pronësi të 44-vjeçarit nga Saranda janë vënë me para të ardhura nga aktiviteti kriminal.

Klement Balili është në kërkim që prej një viti pas urdhrit të arrestit ndërkombëtar të lëshuar nga Prokuroria e Krimeve të Rënda. Në maj të vitit të kaluar, autoritetet greke pas një hetimi të përbashkët me DEA-n amerikane e përmendën emrin e tij si drejtuesin kryesor të një rrjeti të gjerë të trafikut të marijuanës nga Shqipëria në Greqi dhe vende të tjera të BE. Ish-drejtuesi i Transporteve në Sarandë dhe dorëheqjen menjëherë pas publikimit të akuzave dhe u zhduk.

Sekuestrimi i pasurive të Balilit, u bë pas hetimeve për Klement Balilin si i dyshuar për trafik ndërkombëtar narkotikësh. Klement Balili është në kërkim që prej një viti pas urdhrit të arrestit ndërkombëtar të lëshuar nga Prokuroria e Krimeve të Rënda. Në maj të vitit të kaluar, autoritetet greke pas një hetimi të përbashkët me DEA-n amerikane e përmendën emrin e tij si drejtuesin kryesor të një rrjeti të gjerë të trafikut të marijuanës nga Shqipëria në Greqi dhe vende të tjera të BE. Ish-drejtuesi i Transporteve në Sarandë dhe dorëheqjen menjëherë pas publikimit të akuzave dhe u zhduk.

Vendimi i sekuestros i Gjykates se Shkalles se Pare te Krimeve te Renda

1 of 13

/DRONI.al/