Shqiptari Arben Rexha, 32 vjeç, i cili kishte vite që jetonte dhe punonte në Britani, është dënuar vetëm me 10 vjet burg nga gjykata qendrore në Londër, pasi vrau në 2016-en, të fejuarën e tij 25 vjeçare, Elidona Demiraj, pasi ai “ishte i obsesuar me virgjërinë e saj”, u tha ne procesin gjyqësor.
Rexha e vrau të fejuarën e tij që kishte vetëm tre muaj që kishte ardhur për të banuara me të, në janar të 2016 në banesën e tij në veri të Londrës, duke i prerë pjesërisht kokën nga trupi dhe duke i shkaktuar rreth 27 plagë në pjesë të ndryshme të trupit.
Në procesin gjyqësor, sipas shtypit britanik, u tha se Arben Rexha ishte i obsesuar me virgjërinë e të fejuarës së tij dhe të kaluarën e saj, e cilësuar në proces si “gruaja e sjellshme dhe e respektuar nga të gjithë”. Rexha e pranoi fajësinë për vrasje pa paramendim për shkak të gjendjes së tij të rënduar mendore.
Gjykatësi Richard Marks tha gjatë dhënies së dënimit ku vrasësi shqiptar qante, se “unë jam i mendimit se është tipar i personalitetit tuaj dhe jo e sëmundjes tënde fakti që ju jeni i prirur drejt posesivitetit ekstrem dhe xhelozisë”.
Në një deklaratë në proces, familjarët e viktimës theksuan se “ne e nxorëm vajzën si nuse nga shtëpia për ta na kthyer të vdekur. Pa pikë dyshimi, dhimbja jonë është e njëjtë me atë të ditës kur mësuam lajmin për vdekjen e saj. Ai e izoloi vajzën pre tre muaj dhe nuk e lejonte të takohej me njerëz”, theksohej në deklaratën e familjarëve të viktimës, Elidona Demiraj.
Kjo nuk është vdekja e parë e një gruaje shqiptare në duart e burrave të tyre xheloz në Britani, por ky padyshim është dënimi më i ulët i dhënë për një vrasje, që siç u tha u cilësua pa paramendim për shkak të gjendjes së rënduar psiqike të autorit të saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
