Një shqiptar është aksidentuar për vdekje dhe vëllai i tij ka mbetur i plagosur rëndë gjatë punës që po kryenin ditën e sotme. Mediat italiane shkruajnë se dy punëtorët e rrugës kanë qenë duke krasitur pemët kur platforma në të cilën ndodheshin është rrëzuar. Si pasojë njëri nga humbur jetën dhe tjetri është dërguar me urgjencë në spital.
Ngjarja ndodhi në rrugën “Reaglie” në Torino ku sipas informacioneve dy shqiptarët po krasisnin pemët në emër të një kompanie private, shkruajnë mediat italiane. Ende nuk dihet identiteti i tyre, por mediat shkruajnë se tashmë është hapur një hetim.
