Dëshmia e Mario Meshinit, i cili u ndodh në vendngjarje në momentin e vrasjes së Devi Kasmit, tre ditë më parë në kryeqytet, pritet të jetë ndihmë e fortë për hetimet e policisë. Ai është paraqitur para uniformave blu në gjendje të tronditur psikologjike. Gjatë marrjes në pyetje, Meshini ka thënë se e njeh Devi Kasmin prej 7 muajsh pasi i ka prezantuar kunati i vet.
Në dëshminë e tij, Mario Meshini ka treguar detajet që ka mundur të vërë re në lidhje me autorët. “Me Devi Kasmin na bashkonte pasioni për palestrën. Vrasësi ka qenë mbi 180 cm i gjatë dhe me shumë mjekër. Ka pasur në kokë një kapuç të zi dhe të palosur te balli. Drejtuesin e motorit me të cilin u larguan autorët nuk e pashë”, rrëfen ai.
Meshini thotë se vrasja ka ndodhur para se ai të takohej me Devin, dhe në momentin e ngjarjen po qëndronte ende në motorin e tij. “Sapo zbriti viktima nga makina u qëllua pas shpine. Nuk ka pasur asnjë dialog mes vrasësit dhe viktimës. Në momentin që u qëllua Kasmi, unë ngrita duart lart dhe thashë se ‘Nuk kisha lidhje me të. S’kam gjë me të’, u thashë. Dhe pastaj autori u largua me vrap drejt motorit”, rrëfen Mario.
Më tej, ai shtron se pak sekonda pas ngjarjes u largua dhe vetë, pa prekur asgjë në vendngjarje.
Një ditë më parë, gazetari Artan Hoxha tha në “Neës24”, se mesazhi i gjetur në celularin e viktimës ka bërë që të identifikohet shtetasi Mario meshini, i cili u arrestua nga policia pas ngjarjes. Ka qenë pikërisht Mario Meshini, personi që i ka kërkuar Devi Kasmit të dalë nga banesa. Por sapo ky i fundit ka dalë, janë vënë në lëvizje dy autorët e ngjarjes, të cilët janë afruar me një motor. Njëri prej tyre ka qëlluar me armë drejt Devi Kasmit, i cili nuk ka mundur të nxjerrë armën e tij, duke qenë se lëvizte i armatosur.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
