Fatmir Xhafaj kundër ministres së Drejtësisë dhe Kryeprokurores për ekstradimin e Nezar Seitajt

Ekstradimi i Nazer Seitajt në Itali, i ashtuquajturi financieri i grupit të Habilajve, ka ngjallur debate të forta politike. Lidhur me këtë çështje ministri i Brendshëm, Fatmir Xhafaj tha se nëse dihej që personi në fjalë ishte në hetim nga pala shqiptare, nuk duhet të ekstradohej.

I ftuar në emisionin “Studio e Hapur” me Eni Vasilin në “News24”, ministri Xhafaj u rreshtua kështu te zërat e shumtë kundër ministres së Drejtësisë dhe Prokurores së Përgjithshme për ekstradimin e financierit të Habilajve.

INTERVISTA
Dje mbrëma ka patur një ekzekutim me 4 plumba në kryeqytet, flitet se autor është një tjetër person me precedent. Mund të na thoni diçka më shumë për këtë?
Është e vërtetë që ka patur një ngjarje të rëndë dje në Tiranë, dhe policia ka bërë publike rrethanat e ngjarjes dhe të dyshuarin kryesor. Sipas informacionit që unë kam policia sapo ka ndaluar bashkëpunëtorin kryesor të ekzekutorëve të kësaj ngjarje të rëndë.

Ju thoni është e vështirë, dhe se nuk është policia e kompromentuar, e shitur?
Këto nuk janë ngjarje urbane, që ndodhin në lagje, por këto janë elementë kriminale, që kanë patur probleme të kësaj natyre, dhe kanë mundur t’ua hedhin edhe organe ligj zbatuese shumë më të sofistikuara se ne. Edhe Franca ka patur të bëjë me personin në fjalë.

Gjurmë të Konjarit?
Dua ta them edhe njëherë se këta nuk janë persona lehtësisht të kapshëm. Dua të them se duhet pajisje të sofistikuara.

A janë këta pjesë e atyre grupeve kriminale që ju flisni?
Po, njëri prej tyre është. Ky grup bën pjesë në ato raste që ne i kemi në hetime të përbashkëta me vendet partnere. Në kuadër të operacionit “Forca e ligjit” ne po punojmë edhe me vendet partnere, ku këto grupe kriminale kanë shtrirë veprimtarinë e tyre. Edhe me Gjermaninë kemi pasur disa hetime të përbashkëta. Grupi për të cilin po flasim ka të bëjë me Francën dhe Spanjën. Çështja e trafikut të drogës nuk është e Shqipërisë, apo vendeve të Ballkanit, por është e gjithë vendeve europiane, por edhe më gjerë.

Si ka mundësi që këta persona hynë dhe dalin në territorin shqiptar?
Kriminelë të kësaj natyre hyjnë në vendeve që kanë kufij më të sofistikuar se ne. Ata hyjnë me dokumente false, apo rrugë të ndryshme, ka shumë mundësira të penetrojnë përmes hapësirave që krijon lëvizja e lirë.

Dua të ndalem tek çështja e Nazer Seitit që akuzohej si financier i Habilajve. A duhej ekstraduar ai?
Nëse e shohim nga pikëpamje e marrëdhënieve ndërkombëtare ai do duhej të ekstradohej, përsa kishte një kërkesë nga Italia. Por nga fakti që ka pasur edhe hetim nga Shqipëria, do duhej të kishte arsyet krejt tjetër. Ai është pjesë e grupit që po gjykohet dhe hetohet në Catania. Është një prej atyre personave që janë përfshirë në atë operacion.
Kush institucion gaboi?
Të jem i sinqertë e kam ndjekur sa kam mundur këtë debat. Se kam parë dosjen në tërësinë e vet. Është hapur një hetim nga prokuroria e Durrësit. Do ishte më mirë t’ja linim hetimit të prokurorisë. Sbën sens që nga njëra anë që t’ja linim këtë person prokurorisë dhe nga ana tjetër si lëmë atyre mundësinë që të hetojnë.

Ju keni qenë ministër i Drejtësisë, do e firmosnit?
Nëse sdo kisha dijeni për një çështje tjetër këtu do e firmosja. Por nëse do e kisha dijeninë sdo e kisha firmosur.

Për këto persona ska filtra?
Policia për sa më takon mua ka pasur pjesën e vet të përfshirjes në proces. I kam kërkuar SHCKB-së që të ngrihej një grup hetimor

/DRONI.al/