Policia e Tiranës ka identifikuar vrasësin edyshaur të Devi KAmsit, mbrëmë në kryeqytet.
Sipas Policisë Vendore, mësohet se vrasësi është Domart Konjari.
Konjari është një personazh i njohur i botës së krimit pas disa problemeve ligjore që ka pasur edhe në Francë. Konjari akuzohet se ka krijuar organizatë kriminale në Francë, aktiviteti i së cilës ishte trafikimi dhe shitja e lëndës narkotike heroinë.
Ndërsa në verën e shkuar Prokuroria e Krimeve të Rënda mbylli hetimet dërgoi për gjykim Domart Konjari, i akuzuar për veprat penale të “Trafikimi i narkotikëve”, “Pastrimi i produkteve te veprës penale ose veprimtarisë kriminale”, “Organizata Kriminale”, “Kryerja e veprave penale nga organizata kriminale”, “Falsifikimit të letërnjoftimeve, pasaportave ose vizave” dhe “Korruspioni aktiv i personave që ushtrojnë funksione publike”.
Në atë kohë, Prokuroria publikoi një fakt interesant që ishte mbajtur i fshehur për më shumë se 6 muajsh, Konjari është arratisur që prej Dhjetorit 2016 pasi Gjykata vendosi të pranonte kërkesën e Prokurorisë për rikthimin e tij në burg pas hetimeve të thelluara në bazë të materialeve të mbërritura nga autoritetet zyrtare të Parisit.
Donart Konjari u arrestua fillimisht në 18 janar 2016 në Pikën e Kalimit Kufitar të Kapshticës, në Korçës, pasi iu gjetën dokumente të falsifikuara me emrin Arben Lazri dhe për këtë arsye, ndaj tij u vendos masa e sigurisë “arrest në burg”. Në bazë të veprimeve proceduriale, u identifikua se ky shtetas ishte Domart Konjari, për të cilin kishte një urdhër-arresti ndërkombëtar nga autoritetet franceze, pasi ai ishte dënuar me një vendim jo-përfundimtar me 10 vjet burgim. Autoritetet franceze kishin bërë gjithashtu një kërkesë autoriteteve shqiptare që, nëse arrestohej, gjykimi ndaj tij të zhvillohej në Shqipëri.
Duke qenë se vepra për të cilën akuzohej në Francë, “trafik lëndësh narkotike”, ishte në kompetencë të Gjykatës për Krime të Rënda, dosja me arrestimin e tij u kalua nga Gjykata e Korçës për në Tiranë.
Në bazë të një vendimi, i cili u kontestua nga ana e Prokurorisë, Gjykata e Apelit për Krime të Rënda në Shkurt 2016 urdhëroi lirimin e menjëhershëm të tij dhe masën e sigurisë “detyrim paraqitje”.
PO ashtu edhe viktima e mbrëmshme, Devi Aksmi, njihet për problemet me ligjin.
Ndërkohë, Policia ka gjetur në vendngjarje mbrëmë, 9 gëzhoja sie dhe dy pistoleta. DRONI.al
