Kreu i bashkisë Erion Veliaj deklaroi sot se ka përfunduar disa segmente të korsisë për bicikleta. Në fakt nuk është se ka ndërtuar korsi të re por korsitë e gjendura atje prej më shumë se 50 vite i ka lyer me bojë. Shëtitoren mes për mes bulevardit Zogu i I të gjithë e dinë se është si sot prej disa dhjetvjecarësh, ende pa lindur Erioni dhe sapo kishte lindur mami i Erionit.
Po ashtu edhe gjëlbërimi në këtë shëtitore është prej disa vitesh atje. Në fakt ka qenë gjithnjë e gjelbëruar që kur është ndërtuar.
Ja si e përshkruan ai procesin e lyerjes së pllakave të shëtitores në mes të Bulevardit:
“Më në fund shohim dallëndyshen e parë të projektit prej 10 km korsi. Ky është segmenti i parë, më shumë sesa 1 km, në të gjithë gjatësinë e Bulevardit ‘Zogu I’, një rrugë ekskluzive, ndoshta rruga më romantike për biçikletat, e rrethuar nga pemë, e mbrojtur nga makinat, si kurrë më parë në Tiranë. Sigurisht, korsia do të lidhet më pas edhe me Bulevardin e Ri, ndërsa nga ana tjetër, kemi sheshin “Skënderbej”, një hapësirë të madhe pedonale për biçikletat. Mandej, do të vijojmë me korsitë e Unazës së Vogël, për të vijuar në Bulevardin “Dëshmorët e Kombit”, ku siç e keni parë, jemi duke vendosur trafikndarëset e kuqe, për një korsi ekskluzive biçikletash”, u shpreh entuziast Veliaj.
Të njëjtin stil ka përdorur edhe në projekte të tjera në Tiranë të llojit “loW cost”. Me 2 lek punë e shet si investim të madh duke i kopsitur letra për shpenzime të mëdha, ndoshta.
Kush i numëron qiparisat që ka mbjellë tek gjimnazi Partizani? Të krahasojë numrin me atë që deklaroi Veliaj. Dhe të mësojnë se nuk janë selvi por janë qiparisa. Ka fyer banorët e rrugës.
