Sot, rreth orës 08:10, në Vorë, ka ndodhur një aksident hekururdhor. Menjëherë në vendngjarje kanë mbërritur shërbimet e Policisë dhe Ambulanca, ku nga verifikimet paraprake rezulton se, në stacionin e trenit në Vorë, lokomotiva, me drejtues shtetasin J. N., 61 vjeç, ka aksidentuar shtetasen S. B., 18 vjeçe, e cila u transportua në spital dhe ndodhet në gjendje të rënde shëndetësore.
Grupi hetimor po kryen veprimet e mëtejshme për përcaktimin e shkakut të aksidentit.
Drejtuesi J. N., është shoqëruar në Polici për veprime të mëtejshme.
