Policia italiane kreu mbi 30 arrestime gjatë ditës së sotme duke i dhënë një goditje të fortë familjes “Spada”. Drejtësia italiane ka lëshuar sot të paktën 32 urdhër-arreste nga Prokuroria e Romës në kuadër të ligjit anti-mafie.
Operacioni është kryer në mëngjes dhe policia ka vënë në pranga si ‘kapot’ e dyshuar, ashtu edhe dhjetëra persona bashkëpunëtorë të klanit. Mes urdhrave të arrestit është edhe Roberto Spada, tashmë në burg për dhunën fizike ndaj reporterit të Rai 3 dhe vëllai i tij Carmine.
Akuza e Prokurorisë ndaj të dyshuarve, është organizatë kriminale dhe mafioze. Është hera e parë që familja Spada vihet në shënjestër nga shteti italian, por mediat vendase shprehen se organi i akuzës kishte dy vjet që hetonte për këtë klan mafioz. Kapot dhe bashkëpunëtorët e tyre, akuzohen si “përgjegjës” mes të tjerash, se kanë ngritur, organizuar dhe marrë pjesë në një organizatë kriminale të tipit mafioz në territorin lacial dhe në veçanti në Ostia.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
