Një shqiptar ka mbetur i plagosur nga aksidenti hekurudhor në Milano, ku katër persona mbetën të vdekur dhe disa të tjerë u plagosën.
43-vjeçari Gjon Qafafiku ka rrëfyer për ngjarjen e rëndë, duke theksuar se në fillim u dëgjua një zhurmë dhe më pas ata përfunduan jashtë dritareve të trenit.
“Pamë që treni kishte dalë nga shinat, dhe po lëvizte mbi gurë”, tregon shqiptar.
“Pas aksidentit, ndihmova dy persona të zbrisnin nga treni. E kuptuam që treni po ecte vetë, pa frena dhe ishte jashtë shinave. Ishte një katastrofë, treni u bë copash. Prej 15 vitesh udhëtoj në atë tren”, tha shqiptari.
