Administrata publike në Shqipëri numëron 1073 vende të lira pune, një numër i madh që nuk plotësohet për shkak të ndërhyrjeve dhe paaftësisë së rekrutimit të shërbimit civil. Shifra është bërë e njohur nga qeveria shqiptare për të gjithë ata që janë të interesuar të punojnë në shtet.
Gjatë mbledhjes së këshillit të ministrave këtë të mërkurë, u miratua plani vjetor i pranimit për vitin 2018 në institucionet e administratës shtetërore plot 1073 punonjës, një shifër kjo e bartur nga vitet e mëparshme.
Në bazë të vendimit të qeverisë vendet vakante të punës në administratë janë të ndara në kategoritë përkatëse, si më poshtë:
Për Trupën e Nëpunësve Civilë të Nivelit të Lartë Drejtues 20;
Për kategorinë e mesme drejtuese 83;
Për kategorinë e ulët drejtuese 305;
Për kategorinë ekzekutive 665.
2. Grupet e administrimit të përgjithshëm dhe të posaçëm në kategorinë ekzekutive janë, si më poshtë:
– Shkenca juridike;
– Shkenca kompjuterike;
– Audit i brendshëm;
– Shkenca ekonomike;
– Shkenca ekonomike/juridike;
– Shkenca shoqërore;
– Shkenca sociale;
– Histori-filologji;
– Shkenca mjekësore;
– Veterinari;
– Agronomi;
– Shkenca biologjike dhe të ngjashme me to;
– Kimi;
– Shkenca mjedisore ose të tjera të përshtatshme;
– Shkenca inxhinierike;
– Arkitekturë;
– Arkeologji dhe restaurime;
– Artet e bukura;
– Gjeodezi;
– Shkenca ekzakte;
– Shkenca edukimi;
– Mësuesi;
– Arsim i lartë ushtarak/policor;
– Arsim i lartë.
