Një automjeti në Lushnje i është vënë eksploziv mbrëmjen e djeshme. Ngjarja ka ndodhur në orën 23:45, në lagjen “18 Tetori”.
Policia thotë se mjeti tip “Volkswagen” në pronësi të shtetasit A. Sh., 20 vjeç është dëmtuar lehtë mbi kofon me lëndë plasëse e dyshuar eksploziv. Mësohet se makina ishte e parkuar para banesës së të riut.
Grupi hetimor po punon për zbardhjen e ngjarjes, identifikimin dhe kapjen e autorëve.
Njoftimi paraprak i Policisë Vendore
Në datën 22. 01. 2018, ora 23:45, në lagjen “18 Tetori” Lushnje, është dëmtuar lehtë mbi kofon me lëndë plasëse e dyshuar eksploziv, mjeti tip “Volkswagen” në pronësi të shtetasit A. Sh., 20 vjeç, i cili e kishte parkuar mjetin para banesës.
