Nën komisioni ad hoc për zgjedhjen e anëtarëve të KLGJ-së dhe KLP-së nga Shoqëria Civile dhe nga radhët e profesorëve ka nisur punimet me debate.
PD me anë të Oerd Bylykbashit ka kërkuar të hiqen nga lista e kandidateve anëtarët që janë kualifikuar në kundërshtim me opinionin e ONM.
Por Ulsi Manja ka thënë se nuk mund të hiqen anëtarët e kualifikuar, por mund të futen në garë me 4 vota kandidatet e skualifikuar.
DEBATI
Manja: Me katër vota mund të fusim në listën e kandidatëve për votim, ata qe janë përjashtuar nga sekretari përgjithshme.
Bylykbashi: Personat që sekretari i Pergjithshëm ka përfshirë në këtë liste janë persona që kanë qenë në kundërshtim me ligjin. Ata duhet të përjashtohen nga gara. Të mos merremi me emra, por te respektojmë proceduren.
Bushka: Çështjet që ngre kolegu i kemi studiuar. Ti biem problemit ne koke. Personat që si kanë plotësuar kriteret s’mund ti marrim në konsiderat.
Manja: Kemi dy lista, njëra është për votim. Ndërsa lista e të skualifikuarve ka një shpresë. Me 4 vota mund të futet në garë. Ndërsa për heqjen nga gara e atyre qe i ka kualifikuar sekretari i Pergjithshem i Kuvendit nuk mund te behet.
Bylykbashi: ky është nënkomision, ka të drejtë të vendosë një padrejtësi që është bërë nga Sekretari i Përgjithshëm. ONM ka konstatuar që kandidatët nuk plotësojnë kriteret. Ligji i ka hequr çdo diskrecion për të deformuar rekomandimet e ONM. Ju e keni kapur dhe pastruar listën e kandidatëve të KLGJ dhe KLP-së si u ka dash qejfi. Këtë e keni bërë nga frika që ka Edi Rama dhe ju për të mos përfunduar në burg. Po i bini që sot që të kapni SPAK-un që nesër mos ju bjerë SPAK-u pas qafe.
***
Kuvendi mbylli ne 15 janar shqyrtimin e kandidaturave të Shoqërisë Civile për Këshillin e Lartë të Prokurorisë. Por vleresimi qe kishte bere me pare ONM-ja, Organizata Nderkombetare e Monitorimit për katër kandidatët në garë, duket se eshte permbysur nga Kuvendi.
Sipas vlerësimit të ketij te fundit, kandidatët që mbeten në garë janë Alfred Balla, Andi Muratej dhe Mimoza Qinami.
Por ajo qe bie ne sy eshte përjashtimi i kandidates Entela Hoxhaj, e cila në listën e ONM-së e mbyllur tre ditë më parë renditej e para me 80 pikë, ndërsa Alfred Balla i vlerësuar maksimalisht nga Kuvendi, në rekomandimin e ONM ishte i fundit me 69 pikë.
Kandidatët sipas vlerësimit të Kuvendit:
Alfred Balla – 80 pikë
Andi Muratej – 79 pikë
Mimoza Qinami – 78 pikë
Entela Hoxhaj përjashtohet për mospërmbushje të kushteve ligjore
Rekomandimi i ONM:
Entela Baci (Hoxhaj) – 81 pikë
Andi Muratej – 79.5 pikë
Mimoza Qinami – 79 pikë
Alfred Balla – 69 pikë
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
