Dy familjarëve të viktimave nga djegia në Vlorë janë shoqëruar sot në polici pas konstatimit se viktimat kishin shenja dhunë në trup. Policia ka shoqëruar kunatën e viktimës dhe vajzat e saj nën dyhsimin se nuk ka qenë një djegie aksidentale por një vrasje të qëllimtë.
Burime për “Neës 24” thonë se në dy trupat e djegur janë gjetur shenja dhunë. Djalit i janë gjetur shenja në kokë e ndërsa nënës së tij në qafë. Po ashtu të njëjtat burime thonë se po bëhet një ekzaminim mjeko-ligjor më i thelluar për të zbuluar nëse janë vrarë para se banesës ti vihej zjarri nëna dhe djali i saj 43 vjeç.
Ngjarja ndodhi sot në mëngjes në një banesë një katëshe në afërsi të zonës së pyjores, pranë “Pyllit të Sodës” rreth orës 4 të mëngjesit. Në banesë ndodhej nëna 73 vjeç dhe djali i saj 43 vjeç. Të dy humbën jetën. Viktimat janë me origjinë nga Korça, e ndërsa nga hetimet paraprake dyhsohej se zjarri kishte ardhur si pasojë e një cigareje të ndezur ose një zjarri të mundshëm për tu ngrohur.
Njoftimi i policisë
Vlorë Informacion paraprak Më datë 21.01.2018, rreth orës 04:20, në lagjen ”1 Maji”, në një banesë ka rënë zjarr e për pasojë janë djegur dhe kanë ndëruar jetë dy shtetas. Nga veprimet e para të kryera nga grupi hetimor dyshohet se zjarri në banesë mund të jetë shkakëtuar aksidentalisht , ku për pasojë janë djegur e kanë ndëruar jetë nënë e bir, shtetasit S.H., rreth 73 vjeçe dhe N.H., rreth 43 vjeç. Trupat e pajetë janë transportuar në morgun e Spitalit Rajonal Vlorë. Grupi hetimor po vijon punën për zbardhjen e plotë të rrethanave të ngjarjes.
