Monika Kryemadhi, kryetare e LSI-së, i ka drejtuar një apel nga Elbasani, qytetarëve shqiptarë që t’I bashkohen protestës në Tiranë më 27 janar. Kryemadhi tha se 27 janari është dita e ndërgjegjësimit të shqiptarëve për t’u zgjuar dhe reaguar ndaj pabarazisë që ka pllakosur Shqipërinë. “Më 27 janar nuk do të protestojmë për LSI apo PD, por për veten tonë. Do të protestojmë pë rata të rinj dhe të reja që kanë braktisur Shqipërisur, sepse këtu nuk ka shpresë. Do të protestojnë për shqiptarët që sot janë më të varfër dhe të pashpresë. Do të protestojnë pë rata qindra dhe mijëra minatorë që sot nuk kanë statusin e minatorit. Do të protestojmë për ata mijëra mësues dhe mjekë që ndodhen nën presion dhe largohen nga vendet e tyre të punës për shkak të bindjeve politike. Ne do të protestojmë për biznesin e vogël, që do të hyjnë në skemën e TVSH-së, e cila do të çojë në falimentimin e këtyre bizneseve dhe marrjen në dorën e oligarkëve të marketeve apo minimarketëve”, tha Kryemadhi.
Sipas saj, më 27 janar do të protestohet për brezin e ri, për ata maturantë dhe student, pronarë tokash që kanë 27 vjet që gënjehen nga politika, do të protestojmë për qindra e mijëra shqiptarë që kanë bërë kërkesë për legalizimin e shtëpive të tyre dhe nuk kanë asnjë përgjigje. “Pronari i shqiptarëve nuk është Edi Rama, është një kryeministër i zgjedhur me paratë e drogës, por ai kurrë nuk ka qenë dhe nuk do të jetë zot i shqiptarëve”, tha Kryemadhi.
Ajo shtoi se do të dëshironte që gjesti I Kryeministrit me mësuesen nga Rrësheni të mos ishte shoë, ndërsa apeloi që problemi që sot kanë pacientët që vuajnë nga kanceri duhet të zgjidhet. “Do të dëshiroja që Kryeministri ashtu siç bëri me mësuesen nga Rrësheni, të bënte me të gjithë shqiptarët që kërkojnë një vend pune, që kanë një hall dhe që nuk e zgjidhin dot”, tha Kryemadhi.
https://www.facebook.com/KryemadhiMonika/videos/1502817473164323/
