Pronari i linjës së autobusit ku u zbulua heroina në peshë gati 2 kg është Edmond Çela, oficer policie me detyrë shefi i hetimit të krimit në Drejtorinë e Kufirit të Migracionit në Korçë. Detaji u zbulua pak kohë pasi u mësua sekuestrimi i lëndës narkotike në pikën e kalimit kufitar të Kapshticës në Korçë raportonOra News.
Droga u gjet në një autobus që bënte linjën Shqipëri – Greqi. Burimet thonë se pala shqiptare kishte dyshime për lëndën narkotike, por nuk arriti ta gjeje, ndaj është kërkuar rikontroll nga pala greke me aparatura më speciale. Dyshimi u konfirmua dhe në autobus u gjet lënda narkotike.
Policia ka shoqëruar drejtuesin e autobusit për verifikime, ndërsa në vijim priten detajet e operacionit.
