Punonjësit e kompanisë ARMO kanë protestuar edhe sot para prefekturës së Fierit.
Një ditë pas deklaratës së ministrit Arben Ahmetaj se naftëtarët duhet të dalin në asistencë, ata shprehen se qeveria është tallur me ta dhe nuk do ta pranojnë mbylljen e rafinerisë. Ata deklarojnë se do të përshkallëzojnë protestat.
Ministri i Ekonomisë dhe Financave, Arben Ahmetaj deklaroi dje se naftëtarët e Ballshit dhe Fierit do të marrin pagesat, ndërsa u kërkoi që të regjistroheshin si të papunë. Janë plot 1200 punonjës të dy rafinerive që kanë mbetur mes 4 rrugëve.
