EMRA & FOTO GALERI/ Gënjeshtra e madhe e Ramës, tepsia e Hipotekës në dorë të militantëve të PS

Ministria e Drejtësisë ka publikuar së fundmi emrat e fituesve për drejtorë hipotekash në Tiranë dhe rrethe, por pavarësisht se u trumpetua si një proces i drejt, duket se kemi të bëjmë me një gënjeshtër të madhe.

Në pjesën dërrmuese nga këto gjoja konkurse fitues kanë dalë drejtues apo militantë të Partisë Socialiste, shkruan albeu.com.

Tirana

Le të nisim nga Tirana. Fitues në Tiranë është shpallur Valdrin Pjetri. Ky i fundit u punësua në Ministrinë e Mbrojtjes fill pas emërimit atje të Mimi Kodhelit dhe u largua nga detyra aty pasi edhe Kodheli iku.

Sarandë

Fituesja për drejtor të Hipotekës së Sarandës është Jonida Abduli. Kjo e fundit është as më pak e as më shumë, por kryetarja e PS-së për qytetin e Sarandës.

Elbasan

Kreu i Hipotekës në Elbasan do të jetë Mariglen Disha. Ky i fundit ishte kreu i ALUIZNI-it dhe më pas kandidat për deputet i PS-së për këtë qark.

Gramsh

Xhilson Bajrami është fituesi sipas Ramës i konkursit për drejtimin e Hipotekës së Gramshit. Ai është funksionar i FRESSH dhe drejtues në OSHEE për këtë qytet.

Kukës

Klodian Gashi, i shpallur fitues nga konkursi i ministrisë së Drjetësisë është gjithashtu militant i PS-së.

Librazhd

Fatmir Brazhda, fitues i konkursit për drejtues Hipoteke të Librazhdit. Brazhda është nëpunës publik, por që pjesën e kohës së lirë e harxhon duke shpërndarë postimet e Ramës dhe të Blendi Klosit në Facebook.

Shkodër

Fituesi i konkursit në Shkodër është një ish-banakier, militant i PS.

Në galerinë që shoqëron këtë lajm mund të ndiqni edhe detaje nga postimet në Facebook të të gjithë drejtorëve militant të PS që janë zgjedhur në krye të hipotekave. Mjafton rezultati i këtij konkursi për të kuptuar se ajo që deri më tani është paraqitur si heqje e tepsisë apo pastrim të administratës nga militantët nuk është gjë tjetër vetëm se një farse dhe aksion për të zëvendësuar militantët e Monikës me militantët e Edit.

1 of 11

/DRONI.al/