Ka përfunduar në pranga një shqiptare në Itali. Mediat lokale bëjnë me dije se ka qenë administratori i një salle lojërash fati që ka kërkuar ndihmën e policisë, pasi shqiptarja ka hyrë brenda, ka grushtuar një klient, ka pështyrë disa të tjerë dhe më pas ka urinuar para të gjithëve.
Policia ka ndërhyrë menjëherë dhe ka bllokuar shqiptaren, një grua 30-vjecare, emri i të cilës nuk bëhet i ditur, shkruan “Panorama”. Ajo ka vazhduar të kundërshtojë e të dhunojë edhe karabinierët. Dyshohet se agresiviteti i saj ka qenë i ndikuar nga pije alkoolike më të cilat të kishte abuzuar.
Policia në fund arriti ta arrestojë atë dhe ka çojë në komisariat. Aty u zbulua e shkuara e saj plot me precedentë në gjithë vendin. Shqiptarja ka qenë e arrestuar nga karabinierët e Cagliari për çështje drogë, ka qenë e denoncuar nga Policia në Verona për vjedhje, në Brescia, si dhe për vjedhje, edhe për lëndimet dhe dëmtime të personave, në Sassari për korrupsion.
