Ish kryetarja e Kuvendit të Shqipërisë, Jozefina Topalli deklaroi sot gatë një interviste në report tv se nuk aprovon një marrëveshje mes PD dhe LSI-së duke konsideruar se e djathta është dëmtuar rëndë në vend. Ajo ka vijuar të kritikojë kreun e PD-së, Lulzim Basha për marrëveshje në vijim me Edi Ramënd he akuzon atë se ka grabitur karrigen e kryetarit.
Meqë dolët te protesta, çfarë pritshmërisë keni ju nga ajo protestë, është paralajmëruar në fakt një valë protestash që do të nisë në 27 janar, çfarë pritshmërisë keni ju nga ato protesta ?
Çfarë pritshmërie mund të ketë nga një protestë që kërkon të ri negociojë 18 majin që sipas mediesh ishte për milionat e pallatit dhe të kullave që do të ndërtohen në Tiranë, ndaj dhe thashë që vendi është në buzë të greminës. Përgjigjes tënde i është përgjigjur dje Lulzim Basha në një tv, ku thoshte që nëse nuk doni që të paguani taksën e Lulit, të vjehrrit dhe të kunatit, dua të rrëzoni Edi Ramën. I bie që ai nuk kërkonte paratë e Edi Ramës por u thotë qytetarëve o paguani paratë, ose më jepni pushtetin se alternativë tjetër nuk ka. Pra vendi është pa opozitë dhe ato janë bashkë, nëse shqiptarët nuk do të ngrihen në protestë për të rrëzuar Lulin, Edin edhe Monën dhe të gjithë këto që kanë pushtetin bashkë me oligarkët që synojnë këto qeveritarë, ky vend edhe për 20 vjet të tjera do sundohet nga Lali Eri, Mona dhe Edvini. Fëmijët që lindin sot, do bëhen 20 vjeç dhe do kenë këto mbi krye dhe ato që janë 20 vjeç do bëhen dhe 50 vjeç dhe do kenë po këto mbi krye.
Ndërkohë që shohim që kemi aksione të përbashkëta të Bashës më zonjën Kryemadhi. A duhet të ketë PD aksione të përbashkëta me LSI?
Kam dëgjuar një prej këtyre që ka zënë karrigen e parlamentit që thotë ne jemi një opozitë e fortë sepse kemi edhe 20 karriget e LSI, pra humbin edhe 20 karrige të tjera këto në Zgjedhjet Parlamentare, ndihen të fortë se kanë 20 karrige të LSI. Të thuash se është papërgjegjshmëri, nuk di të gjej fjalën, ku kanë pasur nevojë demokratët që të shkojnë në protestë me thirrje të të majtëve, kur? Kjo ndodh vetëm kur nuk ekziston opozita dhe kur ajo është e kontrolluar nga qeveria për ambicie personale, financiare të kryetarit.
A duhet të ketë bashkëpunim?
Duhet të ketë çdo ditë protestë, kundër qeverisë aktuale, kundër atij që ka shitur opozitën dhe kundër të gjithë atyre që kanë përdorur pushtetin për interesa financiare familjare dhe kundër interesit publik. Nëse shqiptarët nuk do të gjejnë një ditë që të bashkohen të gjithë bashkë kundër këtyre që janë aksionarë të oligarkëve dhe urdhërohen nga oligarkët, atëherë ato do të vazhdojnë të rrinë, edhe 20 vite me Lulin, Erin, Edin dhe Monën.
Kush duhet t’i ngrejë njerëzit në protestë?
Ato do ta gjejnë, kanë rrëzuar Enver Hoxhën jomë këto oligarkues.
