Specialistët për Hetimin e Krimit në Komisariatin e Policisë nr. 3, kanë bërë zbardhjen dhe dokumentin e vjedhjes me dhunë të ndodhur më datë 09. 01. 2018, identifikimin dhe kapjen e autorit të dyshuar, si dhe sekuestrimin e sendeve të vjedhura. Si rezultat u bë kapja dhe ndalimi i Ardian Voca, 23 vjeç, banues në Kasalle Kamëz – Tiranë.
Sipas Policisë Vendore, më datë 09. 01. 2018, dyshohet se ka vjedhur me dhunë dyqanin në rrugën e “Durrësit“ nën administrim të shtetases K. B., 19 vjeçe. Gjatë kontrollit të ushtruar në godinën një katëshe e ndodhur në fshatin Kasalle, nën administrim të shtetasit të lartpërmendur janë gjetur dhe sekuestruar në cilësinë e provës materiale sendet e vjedhura dhe konkretisht: 20 unaza, 15 varëse , 11 byzylykë, 4 ora dore, 3 mbajtëse unazash, 7 mbajtëse orash si dhe një aparat celular.
Materialet iu referuan Prokurorisë së Rrethit Gjyqësor Tiranë për veprime të mëtejshme proceduriale, për veprën penale “ Vjedhja me dhunë”, parashikuar nga neni 139, i Kodit Penal.
