Një 32-vjeçar është arrestuar ditën e djeshme pasi akuzohet se nën kërcënimin e një pistolete lodër ka kërcënuar dhe i ka grabitur një sasi të konsiderueshme parash një 64-vjeçari.
Sipas Policisë Vendore, mësohet se H. B., banues në Arapaj të Durrësit i ka vjedhur një sasi eurosh një punonjësi roje privat në një parking.
Njoftimi i policisë
Më datë 13. 01. 2018, u arrestua në flagrancë shtetasi H. B., vjeç 32, banues në fshatin Arapaj, pasi në lagjen nr. 4, nën presionin e armës pistoletë lodër, i ka vjedhur një shume lekësh dhe eurosh Y. SH., vjeç 64 banues në Durrës, me punë roje parkingu. Me cilësinë e provës materiale u sekuestruan pistoleta lodër dhe lekët. Neni 139 i Kodit Penal.
