Një nga emrat që qarkullon për drejtor të përgjithshëm të Policisë së Shtetit, pas ikjes së Haki Çakos po është Agron Sojati. Ai aktualisht ushtron detyrën e këshilltarit pranë kryeministrit të vendit Edi Rama.
Por Sojati është shkarkuar nga detyra në polici për abuzim me fondet e një aleati strategjik, sipas kombineës.al.
Agron Sojati, është larguar nga detyra e policisë me shkelje dhe abuzim me detyrën, për abuzim me fondet e Qeverisë Amerikane. Në vitin 2016 Sojati është ndëshkuar disiplinarisht me ulje në gradë si dhe është gjobitur nga Agjensia e Prokurorimit Publik me 200 mijë lekë pasi u gjet me shkelje gjatë auditimit në kohën që kryente detyrën e drejtuesit të antiterrorit. Pavarësisht këtij shkarkimi ai punon si këshilltar për ekstremizmin e dhunshëm në Kryeministri.
Një ditë më parë Drejtoria e Përgjithshme e Policisë ka shpallë garën për ngritjen në gradën maksimale për oficerët drejtues të Policisë së Shtetit. Gara në fakt ëhstë e sforcuar dhe po bëhet vetëm që personi i piketuar të marrë atë gradë që kërkon posti i drejtorit të përgjithshëm. Koha për garë është shumë e shkurtër dhe në fillim të shkurtit do të jepet.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
