Në orët e para të mëngjesit të së premtes në fshatin Zues të Shkodrës është djegur një automjet. Mjeti tip ‘BMË’ i djegur është në pronësi të shtetasit me iniciale G.F. 27 vjeç, banues në fshatin Zues.
Policia ka arritur të indentifikojë autorin e zjarrëvenies së ndodhur rreth orës 02:00, shtetasin me iniciale E.P. 27 vjeç.
“Falë veprimeve të shpejta hetimore, u bë i mundur identifikimi i autorit të dyshuar, konkretisht shtetasi E.P. 27 vjeç , banues në fshatin Zues në Shkodër i cili u shpall në kërkim dhe punohet për kapjen e tij”, njofton policia.
Materialet proceduriale iu dërguan Prokurorisë pranë Gjykatës së Shkallës së Parë Shkodër për veprën penale “Dëmtim prone me zjarr” parashikuar nga neni 151 i Kodit Penal.
