Një kompani e taksive elektrike që është licensuar së fundmi nga bashkia e Tiranës e ka pronarin brenda oborrit qeveritar.
Kompania quhet Green Taxi dhe është me aksioner të vetëm, Endrit Mashën, investigon syri.net. Z. Masha është kreu i komunikimeve dixhitale, në departamentin e Komunikimeve në Kryeministri, vartës i Endri Fugës. Burime konfidenciale thanë për Syri.net se Masha njihet për miqësinë e tij të ngushtë me Fugën, por edhe vetë Kryetarin e Bashkisë së Tiranës, Erion Veliaj.
Në 23 nëntor 2017 Këshilli Bashkiak i Tiranës miratoi një vendim, i cili diferencon taksitë elektrike nga pjesa tjetër e flotës së taksive të Kryeqytetit. Vendimi, i cili sipas antarëve të opozitës në Këshillin Bashkiak u kalua me shpejtësi dhe pa transparencë, sanksionon se taksitë elektrike do të mbajnë ngjyrën e bardhë me logo të jeshile për t’u diferencuar nga pjesa tjetër e taksive të zakonshme, të cilat janë të verdha.
“Bashkia e Tiranës nëpërmjet ndryshimit të ngjyrës së taksive 4+1 elektrike, kërkon të promovojë dhe nxisë rritjen e numrit të taksive elektrike si dhe të ndërgjegjësojë qytetarët të përzgjedhin për udhëtim mjete, të cilat nuk ndotin ajrin” thuhet në Vendimin e Këshillit Bashkiak të Tiranës, cituar nga syri.net.
Nderkaq prej disa muajsh kompania ka filluar aplikimet per pune te taksisteve. Droni.al gjeti aplikimet dhe thirrjen per pune te taksisteve. Aplikimet kane filluar ne tetor dhe kush per taksistet eshte gjuha e huaj anglisht. Duket qarte se green taxi do te jete ne prag te disa ekskluziviteteve te tjera sic jane transporti nga Riunas ne Tirane e anasjelltas, apo sherbime koncesionare per protokollin e shtetit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
