Një aksident tragjik është regjistruar të shtunën në aksin rural Xorterou-Koimisis në Seres të Greqisë, ku kanë humbur jetën dy shqiptarë. Ata janë bashkëshortët Jani Shkurti 35 vjeç dhe Vasilika Alija 25 vjeç, nga fshati Dorëz, Librazhd, por që prej vitesh jetonin në Greqi.
Automjeti ku udhëtonte familja shqiptare ka humbur kontrollin dhe është përplasur me barrierat metalike të rrugës.
Për pasojë kanë humbur jetën drejtuesi dhe pasagjerja, burrë e grua 35 dhe 25 vjeç. Mësohet se aksidentit tragjik i ka shpëtuar vetëm vajza e tyre e mitur, e cila ka marrë plagë të lehta.
