policia e Tiranes ka goditur oret e fundit nje grup qe tregtonte kokaine ne disa zona te Kryeqytetit.
Njoftimi i policise:
Goditet një tjetër rast i shitjes së lëndëve narkotike në doza të vogla.
Arrestohet 5 shtetas.
Me datë 06.01.2018, Specialistët për Hetimin e Narkotikëve në Drejtorinë Vendore të Policisë Tiranë, në vijim të punës për evidentimin dhe goditjen e veprimtarisë kriminale në fushën e narkotikëve, kanë arrestuar në flagrancë shtetasit :
– Elton Hasnjoku, 41 vjeç, banues në Tiranë.
– Armand Pisha, 28 vjeç, banues në Elbasan.
– Migen Jani, 34 vjeç, banuese në Elbasan.
– Shpetim Myrta, 51 vjeç, banues në Elbasan, i dënuar më parë.
– Mariglen Gostima, 26 vjeç, banues në Elbasan, i dënuar më parë.
Arrestimi i këtyre shtetasve u bë pasi në bazë informacioneve të marra në rrugë operative që dispononte Seksioni për Narkotikët në Drejtorinë Vendore të Policisë Tiranë, në drejtim të goditjes së veprimtarisë të kundraligjshme në fushën e narkotikëve rezultonte se:
Shtetasit e mësipërm në bashkëpunim me njëri tjetrin shisnin lëndë narkotike e llojit të dyshuar ” Kokainë” me klientelë kryesisht në zonën e Oxhakut, Xhamllikut etj në qytetin e Tiranës.
Gjatë kontrollit të ushtruar në 2 automjetet tip “Golf 5”, që këta shtetas leviznin i’u gjetën dhe sekuestruan në cilësinë e provave materiale:
• 256.5 gramë lëndë e dyshuar narkotike e llojit “Kokainë”
Gjithashtu janë sekuestruar në cilësinë e provave materiale:
• 2 automjete
• 8 telefona celularë
Materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale të “Prodhimit dhe shitjes së lendeve narkotike në bashkepunim”, parashikuara nga neni 283/2, të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
