Një aksident i rëndë ndodhi sonte pranë fshatit Nikel në aksin rrugor Fushë Krujë-Tiranë. Sipas dëshmitarëve në vendngjarje një person, identiteti i të cilit nuk është bërë ende me dije, dyshohet se ka ndërruar jetë nga përplasja e fuqishme, raporton joq.al.
Një automjet ngjyrë gri është përplasur me mbrojtëset anësore të rrugës por me sa duket në një pjesë fundore të saj e cila ka përshkuar makinën dhe besohet edhe drejtuesin e saj.
Shkaku i përplasjes nuk është bërë ende me dije nga burime zyrtare. Grupi hetimor po punon për zbardhjen e rrethanave të aksidentit.
