Sekretari për Burimet Njerëzore në PD, Fatbardh Kadilli ka komentuar qëndrimin “pro” Saimir Tahirit të Rexhep Qosjas.
Për Kadillin, marrja në mbrojtje e Tahirit prej Qosjas, është mungesë e theksuar morali dhe e neveritshme.
“Bëhet avokat i të keqes duke mëtuar të mirin, edukatorin, mentorin e shoqërisë, më ngushtë të politikës. Rexhep Qosja quan primitiv dhe të padrejtë çdo sulm ndaj Saimir Tahirit nga politikanët e opozitës. Për Qosen politikanet duhet të heshtin dhe ti lënë fjalën drejtësisë që të provojë fajësinë e Tahirit. Marrja në mbrojtje e të keqes vetëm se i përket të preferuarve tanë, klanit tonë, partisë tonë është mungesë e theksuar morali, është mungesë e theksuar e ndershmërisë intelektuale. Kur kjo behet nga njerëz publik, aq më tepër nga dikush që sillet si mentor i shoqërisë, nuk është veç se e neveritshme”, reagon Kadilli.
