Një 32 vjeçare ka humbur jetën të premten pasdite në Berat, pasi ka konsumuar lëndë helmuese. Burimet nga policia thanë se shtetasja E. Ç., 32-vjeçe, banuese në fshatin Lapardha, dyshohet se ka tentuar të vetëvritet duke konsumuar fostoksinë. Mësohet se 32-vjeçarja ka humbur jetën më vonë në spital, ndërsa mjekët nuk mundën të bënin asgjë për ta shpëtuar.
“Nga këqyrja paraprake nuk janë konstatuar shenja dhune apo dëmtime të tjera nga ndonjë faktor tjetër”, thotë policia.
Grupi hetimor po punon për zbardhjen e plotë të ngjarjes.
