Ish-ministri i Drejtësisë Ylli Manjani ka reaguar në lidhje me ndalimet që po kryen policia ndaj mbështetësve të opozitës që morën pjesë në protestën e zhvilluar para Kuvendit të Shqipërisë, ditën kur do të zgjidhej Prokurorja e Përgjithshme e përkohshme.
Ndërsa e cilëson polici politike, Manjani shkruan se ajo po vepron ashtu sikundër pritej, pa ndonjë surprizë, duke bërë gabimet e baballarëve të tyre, në vitin 1990.
“Ligji ska më asnjë lidhje me këtë sjellje! Sa për sqarim, policia mund të ndalojë dhe të shoqërojë dikë ose në kushtet e një emergjence (nevoje të ngutshme nga një rrethanë e atëçastshme),ose në zbatim të një vendimi gjykate (as urdhri i prokurorit nuk mjafton më)… Nuk zënë mend komunistët rilindës! Bëjnë të njëjtin gabim, si atëherë! Ta gëzojmë policinë politike!”, shkruan Manjani.
Postimi i plotë në “Facebook” i Ylli Manjanit
Asnjë surprizë!
Policia politike po vepron siç pritej. Ndalon njerëz vetëm për arsye politike! I ndan nga familjet pa asnjë mëshirë njerëzore në mes të festës së Vitit të Ri!
Ligji s’ka më asnjë lidhje me këtë sjellje! Sa për sqarim, policia mund të ndalojë dhe të shoqërojë dikë ose në kushtet e një emergjence (nevoje të ngutshme nga një rrethanë e atëçastshme),ose në zbatim të një vendimi gjykate (as urdhri i prokurorit nuk mjafton më).
Në cilën prej këtyre rrethanave u ndaluan ato njerëz ditët e festave?!!!
Thonë se janë ndaluar për pjesëmarrje në demonstratë. Po kjo ishte para 10 ditësh?!
Kjo quhet as më pak e as më shumë TERROR SHTETËROR!
Policia po kërcënon se kush del në demonstratë do arrestohet! Kulmi!
Për herë të fundit këto histori i dëgjuan në vitin 1990, ku edhe policia, organizatat e partisë dhe Komitetet e Rinisë bënin fiks të njëjtin terror.
Nuk zënë mend komunistët rilindës! Bëjnë të njëjtin gabim, si atëherë!
Ta gëzojmë policinë politike!
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
