Policia e Kurbinit ka festuar pranë një lokali në Mamurras festat e fundivitit, ndërsa grabitësit kanë shfrytëzuar këtë rast, duke vjedhur një shumë të hollash në BKT. Banka Kombëtare Tregtare ndodhet vetëm 100 metra larg komisariatit të Policisë së Kurbinit, ndërsa persona të armatosur dhe me maska kanë hyrë nga dera kryesore e bankës, duke marrë një shumë parash, që ishte në përpunim nga punonjësit. Ata kanë diktuar forcat policore që ishin duke festuar në Mamurras, madje sipas disa policëve 20 mijë lekë, ishte e papërballueshme, duke menduar se dreka ishte falas nga institucioni, por që ja nuk ndodhi.
Punonjësit e Bankës së nivelit të dytë janë marrë në pyetje nga Policia, për këtë ngjarje, ndërsa një kontigjent policësh kanë marrë nën ruajte bankën Raifeizen , ende e pagrabitur.
Njoftimi i policisë:
Më datë 29.12.2017, rreth orës 16:36, në Sallën Operative të Komisariatit të Policisë Laç ka rënë alarmi i nje Banke te Nivelit të Dytë, dega Laç. Menjëherë shërbimet e Policisë kanë shkuar tek Banka, ku kanë konstatuar se:
Persona akoma të paidentifikuar nën kërcënimin e armës dhe të maskuar, pasi kanë thyer xhamin e njësisë së Bankës, kanë marrë një sasi parash të cilat ishin në përpunim nga punonjësit e bankës dhe janë larguar me një automjet. Paraprakisht mesohet se nuk ka persona të lënduar. Janë organizuar dhe ngritur pika të shumta kontrolli, vijon krehja e zonës për kapjen dhe arrestimin e autorëve. Grupi hetimor ndodhet në vendngjarje dhe po punon për sqarimin dhe zbardhjen e plotë të rrethanave të ngjarjes.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
