Njëherë qan dhe njëherë qesh, ky është përshkrimi më i shpejtë i policisë në lidhje me dëshminë që ka dhënë 28-vjeçari Selman Aliaj pasi vrau babain e tij dhe më pas trupin ia hodhi në liqenin e Farkës. Sikurse është shprehur në polici ai thotë se e vrau babanë pasi i thoshte budalla. Më pas tregon se si e ka goditur të atin dhe se si është përpjekur ta fshehë kufomën.
“E godita me çfarë me kapi dora se ma solli në majë të hundës. Pastaj kur nuk po reagonte e mora në makinë e mbështolla me një qilim të vjetër dhe e hodha buzë liqenit”, ka thënë 28-vjeçari.
Por më pas ai ka mohuar autorësinë e krimit, duke u shprehur se “nuk ka lidhje me ngjarjen”. Sipas policisë, po kaq e paqëndrueshme paraqitet edhe gjendja e tij emocionale, ku njëherë qan, dhe njëherë qesh.
