Një ngjarje e rëndë ka ndodhur në Greqi, teksa një shtetas shqiptar i ka dhënë fund jetës në një mënyrë tragjike. Mësohet se shqiptari, emri i të cilit ende nuk është bërë publik nga autoritetet greke, është hedhur në shinat e treni, në stacionin ‘Omonia’, duke gjetur vdekjen e menjëhershme. Nuk janë të qarta shkaqet e këtij vendimi me pasoja të rënda, ndërsa dëshmitarë okularë kanë treguar se kanë parë shqiptarin të hidhet para trenit, pa qenë i shqetësuar nga asnjë njeri. Mbi trupin e tij kaluan të paktën 3 vagona, përpara se të ndalonte treni, duke mos lënë asnjë shpresë se mund të mbijetonte. Ngjarja e rëndë ndodhi rreth orës 21:00 të mbrëmjes, teksa në stacionin e trenit kishte shumë të pranishëm.
Tragjike, shqiptari i jep fund jetës duke u hedhur para trenit në Greqi
