Situata në qytetin e Ballshit nuk është aspak e qetë në këtë prag festash, pasi naftëtarët, që përbëjnë edhe pjesën më të madhe të të punësuarve vijojnë të mos paguhen. Ata kanë dalë disa herë në protesta, ku një tubim madhështor ishte ai i djeshmi, të cilin e shoqëruan me paralajmërime të forta për qevërinë. Punonjësit e Uzinës së Përpunimit të Naftës kanë dalë sërish sot në protestë, por këtë herë përpara prefekturës.
Ata sërisht kanë kërkuar marrjen e pagës së prapambetur prej një muaj dhe 12 paga të tjera të prapambetura nga komoania që ka menaxhuar më parë këtë sektor. Po ashtu, naftëtarët e Ballshit kërkojnë sigurimet e 12 muajve dhe mbajtjen e fjalës nga kryeministri Rama si dhe insistojnë për zbatimin e statusit të naftëtarit.
