Takimi në selinë blu midis ambasadorit amerikan Donald Lu dhe kryedemokratit Lulzim Basha, që zgjati rreth 1 orë, ka përfunduar pak minuta më parë. Besohet se në fokus të bisedave ka qenë situata e tensionuar politike në vend, që kushtëzohet nga zgjedhja e njëanshme dhe antikushtetuese e Kryeprokurores Arta Marku, nga ana e mazhorancës së majtë. Gjithashtu hapat që do të ndërmarrë opozita në janar mund të jenë bërë temë bisede. Ndërkohë vlen të theksojmë se ka qenë vetë Lu që ka kërkuar me urgjencë një takim me liderin e opozitës.
