Seanca parlamentare e ditës së sotme ka nisur menjëherë me tensione. Pas përfundimit të fjalës së kryetarit të Partisë Demokratike, Lulzim Basha, i cili bëri thirrje për mazhorancën që të ndalë uzurpimin e Prokurorisë së Përgjithshme duke shkelur Kushtetutën, mori fjalën kreu i grupit të PS, Taulant Balla.
Por pas tij, foltores i është drejtuar ish-kryeministri Sali Berisha, i cili është penguar nga punonjësit e Gardës së Republikës që të flasë, ç’ka solli edhe përplasje mes tyre dhe deputetëtve demokratë, Flamur Noka dhe Gent Strazimiri. Më pas në konflikt janë përfshirë të gjithë deputetët e opozitës, së bashku me ata të LSI, ndërsa Ruçi ka mbyllur seancën duke bëreë thirrje për pushim.
