Policia e Tiranës ka marrë në mbrojtje godinën e Prokurorisë së Tiranës, në një kohë kur Kuvendi po votonte kandidaturën e Arta Markut për postin e Prokurores së Përgjithshme të Përkohshme.
Nuk dihet sepse forca të shumta policore morën në mbrojtjen godinën e Prokurorisë së Tiranës, pasi edhe justifikimi se Kryeprokurorja e re do të shkonte në zyrë nuk qëndron. Kjo për faktin se Marku pas betimit në Kuvend mund të shkonte në zyrën e saj në Prokurorinë e Përgjithshme, e cila ndodhet shumë larg nga ajo e Tiranës.
Nëse nuk ka pasur arsyeja të tjera, duket se punonjësit e policisë kanë ngatërruar godinën, pasi disa dhjetëra policë morën nën ruajtje një godinë e cila asnjëherë nuk ka qenë në fokusin e protestave, të paktën në 27 vite.
