Palestinezët prej mëse dy javësh vijojnë protestat e tyre kundër vendimit të SHBA-ve për njohjen e Jerusalemit si kryeqytetin e Izraelit.
Nga fronti i përplasjes së tyre me ushtrinë izraelite është publikuar së fundmi një video tepër interesante dhe me mesazh të frotë. Gazetari rus i kanalit RT filmoi të shtunën, në “zonën neutrale” midis ushtrisë dhe demonstruesve një gjyshe, që po përpiqej të ndalonte përplasjen mes tyre.
Gjyshja e patrembur nga shkrehja e armëve shihet në përpjekje për të bindur palët që të mos përdorin forcën. Ajo herë ecën në drejtim të palës izraelite e herë te pala palestineze, duke i lutur që t’i japin fund konfliktit.
https://youtu.be/ArUE9cO9YyY
