Kryetari i LZHK-së, Dashamir Shehi tha sot pasdite se shoqëria civile e bllokoi procesin në favor të prokurorit të përkohshëm duke bashkëpunuar me qeverinë. “Shoqëria civile mjaftonte të kishin sjellë një kandidat këtu të formonim KLP-në dje sot e kishim emëruar prokurorin e ri do e kishte kaluar edhe vettingun”, tha ai.
Në vijim Shehi kërkoi nga të gjithë shqiptarët ti bashkohen protestës për të mbrojtur reformën në drejtësi nga kapja e qeverisë. “Qëllimi jonë është të sensibilozojmë të gjithë shqiptare, pasi këtu kanë ndodhur të gjitha llojet e zullumeve. Këtu janë kapur të gjitha institucionet me radhë, por deri tek prokurori i përgjithshëm kishim menduar se nuk do të ndodhte. Do rezistojmë me të gjitha mjetet demokratike. Kjo që po ndodh është shumë e rëndë dhe do të zhvlerësojë reformën në drejtësi. Prandaj jemi nesër atje, që tu kujtojmë shqiptarëve që kjo është tallje me sistemin e drejtësisë”, tha Shehi.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
