Kreu i PD, Lulzim Basha deklaroi sot fil pas takimit me krerëte degëve në rrethe se zgjedhja e kryeprokurorit të përkohshëm mund të destabilizojë vendin. Deklarata e tij vjen vetëm dy ditë para se të nsië protesta e opozitës për të ndalë procedurat e zgjedhjes së një prokurori të përgjithshëm vetëm nga mazhoranca.
‘Pas tre vjetësh përpjekje për reformën në drejtësi rezultati është ky: Të hënën do të emërohet një Prokuror i Përgjithshëm politik, pa veting, nga politikanë të korruptuar dhe të inkriminuar. Ky është fundi i Kushtetutës dhe i shtetit të së drejtës në Shqipëri. Edi Rama uzurpoi në mënyrë të dhunshme kompetencat që Kushtetuta ia jep Këshillit të Lartë të Prokurorisë. Farsa që shqiptarët po shohin në Kuvendin e Shqipërisë është e paramenduar dhe e parapërgatitur me qëllim të caktuar. Njerezit e Edi Rames janë nën hetim: Saimir Tahiri nën hetim për trafik ndërkombëtar droge, Vangjush Dako nën hetim për lidhje me krimin e organizuar, Kompania e Qazim Sejdinit nën hetim për trafik droge.
Ahmetaj, Gjiknuri, Beqaj dhe të tjerë janë përfshirë në skemat korruptive. Prokurori i Edi Ramës do të kërkojë të pengojë hetimet për njerëzit e Ramës. Kapja e prokurorit një akt që do të shkatërrojë demokracinë në vend, dhe do të destabilizojë vendin. Ata që mendojnë se ne do të tolerojmë një kryeministër të inkriminuar e kanë gabim. Ne nuk do të lejojmë askënd. Ju bëj thirrje qytetarëve të kuptojnë se ajo që po ndodh në Shqipëri, ëhstë mënyra se si shkatërrohet një vend.
Të hënën është detyrë e çdo qytetari që të bashkohet me protestën tonë para parlamentit. Të hënë opozita parlamentare nuk do të lejojë të kthehet në fasadën e pushtetit të krimit’, tha Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
